Gipangbutyag na ni Bise Presidente Sara Duterte ang mga baho ni Speaker Martin Romualdez.
Diin nag-una niini ang pagpangayo og kwarta atol sa pagdagan niini sa miaging piniliay.
Ingon man ang mga ilegal nga binuhatan sa opisyal sama sa pagdawat og kwarta gikan sa POGO, smuggling, Drogas, ug ingon man pagkuha sa National Treasury gumikan sa pangangkon niini nga kang Martin kining mga kwarta.
Gilangkuban usab kini sa pagpalit, pagbayad aron sa pagdagit sa mga kaatbang ni Speaker aron lang masigurado ang iyang kadaugan.
Nagtuo si Bise Presidente Sara Duterte nga usa ra ang gustong mopatay kaniya ug kini mao si House Speaker Martin Romualdez.
Diin gisulti kini ni Duterte human giingong gipapahawa siya sa House Sergeant-at-Arms sa opisina sa iyang igsuon aron dili na mabutangan og dugang seguridad.
Matod ni Duterte, dili na kinahanglang dugangan pa og tawo nga mobantay kaniya gawas sa iyang personal security personnel tungod kay nasayod lang siya kon kinsay gustong mopatay kaniya.
