DANAO CITY,CEBU- Mibisita si Bise Presidente Sara Duterte sa Dakbayan sa Danao sa amihanang bahin sa Sugbo karung adlawa Abril 22, 2025.
Kung diin, mainiton nga gidawat ang Bise Presidente sa katawhan sa Dakbayan sa Danao, dihang mibisita siya sa usa ka public market sa naasoy nga dapit.
Nipalit kini og mga produkto sa isda ug karne gikan sa pipila ka mga tindera ug giapod-apod kini nga libre sa mga tawo.
Dinhi, nakighinabi siya sa mga residente nga anaa sa dapit ug nakigtagbo sa pipila ka mga nagpapili niining umaabot nga piniliay, iyahang gi-klaro nga wala siyay gi-endorso nga kandidato, apan, nalipay kini ug nagpasalamat sa supporta nga nadawat sa pipila ka mga nagpapili ngadto sa iyahang amahan nga si Kanhi President Rodrigo Duterte.
Giklaro niini, nga ang iyahang pagbisita sa Danao,Cebu dili aron mangampanya kondili aron personal nga magpasalamat sa mga dumadapig nga nag-ampo ug nanawagan sa pagbalik ni kanhi Presidente Rodrigo Duterte nganhi sa Pilipinas.
Una niini, miadto siya sa Danao City Public Cemetery aron pangitaon ang patayng lawas sa apohan ni kanhi presidente Rodrigo Duterte, nga si Facundo Duterte kinsa gituohang gilubong sa nahisgutang sementeryo.
Kana gumikan, kay hangtud niining kasamtangan, wala pa gihapon niini makita ang patay nga lawas sa iyahang mga apohan, hinungdan nga nanagkot nalang kini sa iyahang mga kabanay nga mitaliwan na anaa sulod sa sementeryo sa dakbayan sa Danao.
Sa pikas bahin,nipadayag usab kini sa iyang pasalamat ngadto sa iyang mga supporters human nisaka ang iyang approval rating sa bag-ohay nga survey sa Pulse Asia, sukwahi sa double-digit nga slide sa administrasyon karon.
