Gikatakdang mobalik ang K-pop girl group nga Blackpink ug pagpahigayon og world tour sa 2025.
Ang founder ug executive producer sa YG Entertainment nga si Yang Hyun-suk mihimo sa pahibalo sa usa ka video nga gi-upload sa YouTube channel sa label.
Sa dihang gipangutana bahin sa mga plano sa YG alang sa sunod nga tuig, si Yang miingon, nga dili pa niya matumbok apan, sigurado kini nga maaktibo na ang mga artists.
Ingon man ang ‘highly anticipated comeback’ sa Blackpink ug mao na usab kini ang pagsugod pagbalik sa ilang world tour.
Ang comeback mao ang una sa Blackpink sukad sa pagpagawas sa ilang ikaduhang studio album, “Born Pink,” niadtong Septiyembre 2022.
Gipahibalo usab sa YG ang reunion sa 2NE1, ang girl group, sa wala pa ang paglusad sa Blackpink, alang sa usa ka concert tour.
