Blackpink in your area!
Tungod kay gianunsyo sa Blackpink member nga si Jisoo nga mopaingon kini sa Pilipinas.
Sumala sa iyang ahensya nga Blisoo, ang 30-anyos nga si Jisoo kay magpahigayon og fan meet nga gitawag og “Lights, Love, Action” sa tibuok Asia.
Wala pa gihatag ang mga detalye kalabot sa petsa o presyo sa ticket sa maong fan meet.
Ang maong tour isip suporta sa debut song ni Jisoo nga “Amortage” nga ipagawas karong Pebrero 14.
Gikatahong una nga modunggo si Jisoo sa nasud ug mobiyahe paingon sa Bangkok, Tokyo, Macau, Taipei, Hong Kong, ug Hanoi.
Katapusang mibisita si Jisoo sa nasud niadtong 2023 alang sa “Born Pink” concert sa Blackpink nga gipahigayon sa Philippine Arena.
Ug sa susamang tuig usab niini gipagawas ang iyang solo album nga “Me”.
