Sugdan na sa US military ang blockade sa Iranian ports karung adlawa Lunes, Abril 13, human ang Iran midumili sa pagsurender bisan pa sa balik-balik nga mga pasidaan.
Sumala sa US Central Command, ilang ipatuman ang blockade sa mga entrada ug exit sa mga pantalan sa Iran sa alas 10:00 sa buntag sa eastern time o alas 11:00 sa gabii sa Manila.
Bisan pa, giklaro sa militar sa US nga dili nila babagan ang mga barko nga moagi sa Strait of Hormuz, nga mobiyahe paingon ug gikan sa ubang mga nasud.
Gihimo sa militar sa US ang pahayag human gipahibalo ni US President Donald Trump nga magpatuman siya og blockade sa giingon nga channel nga nagdala og lana ug naghulga nga babagan sa US ang tanang barko nga mosulod ug mogawas sa Hormuz.
Nagpasidaan ang Revolutionary Guard sa Iran nga ang pagduol sa mga barko sa militar sa Strait of Hormuz isipon nga paglapas sa kasamtangang ceasefire ug misaad og lig-on nga tubag.
