PROVINCE OF BOHOL- Bout nga hatagan og prayoridad sa mga mambabalaod sa Probinsya sa Bohol ang pagpanalipod sa matag Bol-anon sa paglatid sa Bohol Tourism and Sustainability Code, lakip na usab ang pag-regulate sa mga tourism hub og transportasyon nga mipataas sa presyo.
Matud ni Jiselle Rae Aumentado Villamor, ang 2nd District Board Member sa Probinsya sa Bohol, nga tumong og tuyo sa pagmugna sa maong pamalaod, aron nga i-regulate sa kagamhanan ang sobra ka taas nga presyo sa mga tourism establishments, accomodations lakip na usab ang transportasyon.
Sigon usab ni Villamor, nga ang pagpasar sa maong balaod sa Probinsya, paagi usab aron masulbad ang kalibog sa katawhan hilabi na sa hisgotanan sa Tourism Transportation og Public Transportation, diin sukwahi sa naandan sa kadaghanan gumikan kay managlahi kini og taripa.
Dugang usab sa opisyal nga kinahanglan nga hatagan usab og prayoridad ang mga Bol-anon hilabi na sa bahin sa panginabuhian, diin aduna nay pipila ka mga tourist destinations nga dili mga residente o mga Bol-anon ang nagpahigayon sa mga aktibidadis sa turismo.
Nasuta usab sa kagamhanan nga wala hingpit nga ma-promote ang kadato sa resources sa Probinsya hilabi na usab nga adunay mga National Herritage nga nahimutang niini dugang pa nga hagit sa kagamhanan ang pagsunod sa kasigbit nga mga lugar diin sukwahi sa tuyo sa mga stakeholders.
Gipasigarbo usab ni Villamor, nga nagkasinabot gayud ang sagad sa mga stakeholders nga himoung Eco- Cultural Tourism Destination gayud ang Probinsya sa Bohol, hinungdan nga dali namugna ang pamalaod.
