MANDAUE CITY-Napakakugang ang University of Cebu Lapu-Lapu and Mandaue Campus (UCLM) sa dalan A.C. Cortes Avenue, Barangay Looc sa dakbayan sa Mandaue kagahapong adlawa sa Sabado Septiyembre 21, 2024 tungod sa bomb threat.
Kini human adunay usa ka chat message ang nadawat diin nagpahimangno kini nga adunay usa ka bomba nga mubuto sulod sa dili muminos duha ka oras.
Dalign girespondehan sa mga sakop sa kapulisan uban ang mga specials untis sa SWAT ug Bomb Detection Group ang maong unibersidad aron pagsuta sa maong hulga.
Taliwala sa maong hulga, nasayrang walay presensya sa bisag unsang klase sa bomba or improvised explosive device sa tibuok vicinity sa naasoy nga unibersidad.
Kahinumduman nga nakadawat og susamang hulga sa bomba ang laing campus sa maong unibersidad nga nahimutang Barangay Banilad sa dakbayan sa ugbo niadtong Agosto 13, 2024 diin human gisusi kini sa mga awtoridad, wala’y nakita nga bisan unsang bomba o eksplosibo sulod sa maong tunghaan.
