Gipaimbistigahan na ang gikatahong nadawat nga bomb threat sa Office of the Vice President.
Mao kini ang gipaambit ni VP Sara Duterte kinsang anaa karon sa The Hague, Netherlands diin natanggong ang iyang amahan.
Nalangan ang operasyon sa OVP sa Mandaluyong human ang usa sa mga personnel niini nakadawat og bomb threat pinaagi sa text message.
Hinungdan nga gipabakwi dayon ang mga personnel sa OVP sa luwas nga dapit.
Dali usab nga gipakatap ang Explosive Ordnance Disposal (EOD) Team ug Mandaluyong City Police Office aron sa pagsusi sa tibuok dapit.
Human makit-an nga walay explosive device ug nasiguro nga luwas ang palibot, ang mga personahe sa OVP nibalik dayon sa operasyon.
Gipahinumdoman sa OVP ang publiko nga ang pagbiaybiay bahin sa mga hulga sa bomba mahimong peligro sa kinabuhi ug bisan kinsa nga mosulay sa pagbuhat niini kay mag-atubang sa tukma nga silot ubos sa Presidential Decree No. 1727, o mas nailhan nga Anti-Bomb Joke Law.
