Nisaka sa kapin 8% ang pag-abot sa mga turista sa Isla sa Boracay samtang nagkaduol ang panahon sa ting-init, nga adunay mamatikdan nga pagsaka sa mga turista nga gusto nga makasinati sa katahom sa isla nga sama sa paraiso.
Sumala ni Kathrine Licerio, ang tigpamaba sa Malay-Boracay Tourism Office, ang ilang opisina nakatala og kinatibuk-ang 188,479 ka turista sa buwan sa Pebrero.
Sa nasangpit nga gidaghanon, 133,576 ang mga lokal nga turista; 3,539 ang mga Pilipino gikan sa gawas sa nasud ug 51,364 ang mga langyaw nga turista.
Ang padayon nga pag-patronize sa sikat nga isla sa mga lokal ug langyaw nga turista tungod sa padayon nga pag-promote sa Boracay pinaagi sa aktibong partisipasyon sa lokal nga gobyerno, mga travel agency, mga tag-iya sa establisemento, mga stakeholder ug uban pa sa mga gipahigayong expos.
Dugang ni Licerio nga ang partisipasyon sa mga kawani sa tourism office sa mga expos makadani og dugang mga turista nga mobisita sa isla sa Boracay.
Apan, giangkon sa Malay-Boracay Tourism Office nga wala pa hingpit nga nakabangon ang sektor sa turismo sa isla, apan kasamtangan nila kining gitrabaho aron mas mapalig-on ang atraksyon sa mga turista, labi na sa panahon sa ting-init.
