CEBU CITY-Gi-angkon ni Brgy. Taptap Kapitan Bryan Bontuyan nga wala siyay kasayuran kalabot sa COVID-19 bisan paman sa pagsugod palang sa outbreak niini.
Sa pakighinabi sa Bombo Radyo Cebu kang Bontuyan sa tulumanong Bombo Barangayan gibutyag niini nga wala kini nakadawat og memo kalabot sa mando sa city government niadtong pagawas sa maong balita ug sa pagmando ni Cebu City Mayor Edgardo Labella sa mga baranggay nga magpahigayon og monitoring, tutukan ang barangay ug mag-umol og quarantine facility ug ingon man information dissemination.
Sa tanang naasoy, bugtong nasayran lang ni kapitan mao ang saktog pagpanghugas sa kamot og pang-alcohol. Wala usab matud pa kini, gimando sa iyang mga kauban opisyal sanglit wala siya nakadawat og memorandom ug wala usab mando ug panagtapok sa Association of Barangay Council (ABC).
Dugang pa niini, karon lang usab nasayod si Bontuyan sa mga pamaagi nga mahimong matakdan sa COVID-19.
‘Mag-agad sa konstituwente’
Gihimug-atan ni Barangay Captain Buntoyan nga agdon niini ang desisyon sa iyang mga ginsakupan sa barangay kabahin sa naasoy nga quaratine.
Dason nini kung unsa ang makaayo sa iyang mga konstituwente mao ang iyang sundon og suportaran gumikan kay dili matud pa sila mamahimong opisyal sa komunidad kung wala ang iyang mga tawo.
Iya usab kini ipaabot kang Cebu City Mayor Edgardo Labella ang pagsupak sa iyang mga residente sa maong plano sa city government. | GBS/FDP
