British government, planong iapil ang 16 ug 17-anyos sa pagboto

Nagplano ang British government nga ipaubos ang edad sa pagboto sa ilang nasud.

Diin ang sugyot magtugot sa mga 16 ug 17 anyos nga mahatagan ug katungod sa pagbotar sa tanang eleksyon sa United Kingdom.

Matud ni Deputy Prime Minister Angela Rayner nga ang nag-unang overhaul sa demokratikong sistema ipatuman sa tibuok UK, Scotland ug Wales.

Usa sa mga hinungdan niini mao ang ubos nga turnout sa 2024 nga kinatibuk-ang eleksyon diin adunay 59.7 porsyento lamang, nga mao ang pinakaubos sukad niadtong 2001.

Ingon man nga ila na lang kini nga itugyan sa British parliament ang pag-aprobar sa maong proposal.