Nagpasidaan abf Bangko Sentral ng Pilipinas (BSP) sa publiko nga ang mga scammer lang ang magpadala og mga link pinaagi sa short messaging system (SMS) o text message.
Ang BSP, sa usa ka press release, miingon nga ang mga lehitimong bangko, e-money issuer, ug uban pang mga financial entity dili magpadala og mga link, bisan pa nga ang mga mensahe daw gikan niining mga regulated nga institusyon.
Kini nga laraw gitawag og text hijacking nga “naglambigit sa mga scammer nga nagsal-ot og peke nga mga mensahe ngadto sa lehitimong mga text thread aron kini tan-awon nga tinuod.”
Matod sa BSP nga padayon nga nagkataas ang mga report bahin sa mga peke nga text message.
Kini, bisan pa man nga gipadako sa centrak bank ug uban pang mga institusyon sa panalapi ang ilang kampanya sa edukasyon nga nagtumong sa pagpahibalo sa publiko bahin niining scam.
Gitambagan ang publiko nga likayan ang pag-click sa mga link sa mga text message o e-mail bisan kung kini daw gikan sa mga bangko o mga e-money issuer; i-enable ang multi-factor authentication aron ma-secure ang mga account ug ayaw gyud ipaambit ang personal o pinansyal nga mga detalye sa bisan kinsa.
Kung ang account na-kompromiso, kontaka ang bangko o e-money issuer pinaagi sa ilang mga opisyal nga channel.
