Mibuga na sab og mga abo ang Bulkang Kanlaon sa islang rehiyon sa Negros niadtong Sabado sa sayong buntag (3:16 AM), Marso 29, 2025.
Kini nga volcanic activity ang gipahibalo gikan sa buhatan sa Department of Science and Technology – Philippine Institute of Volcanology and Seismology (DOST-Phivolcs) pinaagi sa thermal camera monitoring station niini sa Lower Masulog (VKLM) observation stations sa Canlaon City, Negros Oriental.
Matod pa nga sa gisapublikat sa time-lapse video kay nasuta niini ang usa ka weak ash emission gikan sa crater sa bulkan.
Gibana-banang milanat sa sobra usa ka oras ang maong makalilisang nga aktibidad sa bulkan nga natapos pag takna na alas 4:42 sa buntag sa samang adlaw.
Gipanglantawang misaka hangtod a 500 meters ang gitas-on sa maong pagbuga sa abo og napalid kini sa kasadpang direksyon nga maka-apekto na sab sa mga komunidad sa Negros Occidental ug uban pa.
Kasamtangang nagpabilin ang Alert Level No. 3 and status sa bulkan nga nagpasabot sa magmatic unrest niini sa doul nga posibilidad sa mas dakong pagbuto sa umaabot kung dili muhinay ang mga kalihokan sa bulkan.
