Bulkang Taal, nakatala ug sunodsunod nga phreatic eruptions – Phivolcs

Nakatala ang Philippine Institute of Volcanology and Seismology (PHIVOLCS) og tulo ka sunodsunod nga phreatic eruptions sa Taal volcano sa probinsya sa Batangas.

Matod sa Phivolcs, nasuta kini sa crater sa bulkan ug milungtad og usa ka minuto matag usa.

Ang giila nga phreatic eruptions nakamugna og 2,100 metros nga aso nga adunay mga volcanic particles.

Kini nga bulkan nagbuga usab ug 3,309 ka toneladang sulfur dioxide, diin naobserbahan ang pagporma sa volcanic smog o vog sa palibot niini.

Sa samang higayon, gimonitor sa ahensya ang tulo ka sunodsunod nga volcanic earthquake sa niaging 24 oras.

Bisan pa sa padayon nga aktibidad sa bulkan, ang ahensya nagpabilin gihapon nga alert level 1 sa Taal volcano.