Gipalukapa sa Chicago Bulls ang Milwaukee Bucks, sa iskor nga 125-104, sa ilang pag-atbang.
Wala kapugngi sa Bucks ang Bulls, kinsa nakatala og 47% nga shooting percentage, nga gipangulohan sa forward nga si Matas Buzelis.
Samtang, ang rookie forward nagpakita og nindot nga performance pinaagi sa pagtala og 19 puntos, 2 ka rebounds, 3 ka assists, usa ka steal, ug usa ka block.
Ingon man ang reserve player nga si Leonard Miller nakahatag usab og dakong tabang, diin miamot siya og 18 puntos, pito ka rebounds, ug duha ka steals aron masiguro ang kadaugan alang sa Bulls.
Ang lig-on nga depensa sa Bulls—nga gipasiugdahan sa 14 ka steals—maoy hinungdan nga nakahimo ang Bucks og 30 ka turnovers sa tibuok duwa.
Sa usa ka higayon, nakab-ot sa Bulls ang labaw nga niabot og 34 puntos.
Alang sa Bucks, ang “double-double” gikan sa rookie forward nga si Ousmane Dieng (10 puntos, 11 ka rebounds) ug ang 23 puntos gikan sa reserve nga si Kameron Jones wala makapugong sa ilang kapildihan.
Kini ang ikatulo nga kapildihan sa Bucks sa preseason, samtang ang Bulls aduna nay rekord nga 2-2.
