CENTRAL VISAYAS-Gitambagan sa Bureau of Fisheries and Aquatic Resources in Central Visayas (BFAR-7) ang mga beachgoers nga magmatngon sa mga jellyfish ilabi na sa paglangoy sa tubig sa dagat nga adunay taas nga temperatura.
Ang direktor sa BFAR-7 nga si Alan Poquita miingon nga ang init nga mga adlaw sa ting-init, gikan sa Abril hangtod Hunyo, mahimong makonsiderar nga “jellyfish season.”
Dugang pa, nga ang mga ubus sa jellyfish dili hingpit nga makamatay apan kini mahimong makamatay alang niadtong adunay mga kondisyong medikal.
Kung kahinumduman, nga niadtong Domingo, Hunyo 25, 2023, usa ka babaye nga giilang si Leslie Ann Madronero, 32, taga Bohol, namatay human kini natusak sa jellyfish samtang naglangoy sa publiko nga baybayon sa Sta. Fe lungsod sa Bantayan Island, Cebu.
Kung diin si Madronero gikataho nga ni-dive sa pangpang paingon sa dagat, dayon nabatyagan ang katol sa iyang walang bukton, ug sa ulahi naglisod siya sa pagginhawa.
Gidala siya sa tambalanan apan gideklarar nga dead on arrival.
