Human nga natapos ang bag-ohay lang nga registration sa Commission on Elections alang sa Barangay og Sangguniang Kabataan Election sa umaabot Nobyembre 2, 20206, Magpahigayon og laing registration ang nahisgutang buhatan sa buwan sa February 2027.
Matud ni Omar Sharif Mamalinta, ang election officer sa lungsod sa Carmen, nga aduna napoy laing hugna sa pagparehistro alang sa katong wala pa makaparehistro sa buhatan sa Comelec human sa BSKE sa Nobyembre.
Sigon niini, nga magpadayon ra gihapon ang pagparehistro alang sa mga wala pa nakarehistro hilabi na sa mga kabatan-unan, lakip na ang mga botante nga nawagtang sa lista sa mga voters lists ug ang buot nga mobalhin sa pagparehistro.
Gihimug-atan usab ni Mamalinta, nga bisan paman sa mga hungihong og mga posibilidad sa posibleng adunay pagduso sa pagbasura pagbalik sa Barangay ug SK Election, magpadayon ra gihapon ang Comelec sa pagpreparar alang sa eleksyon.
Dugang pa, nga magpabilin gihapon silang mangandam alang sa umaabot bugnong lugaynon gumikan kay wala pay gipagawas nga mando o bisan baludnon sa pagpahunong niini.
Kahinumdoman nga hingpit nang gitapos sa Comelec ang pagparehistro alang sa Barangay and Sangguniang Kabataan Elections niadtong adlawng Lunes, Mayo 18, 2026.
