Gitawag sa India ang pagpamomba sa mga sakyanan sa Red Fort, Delhi nga usa ka “insidente sa terorismo.”
Dili moubos sa walo ka tawo ang namatay ug 20 pa ang nasamdan sa insidente.
Sumala sa Delhi Police, ang pagbuto nahitabo niadtong Lunes sa gabii, Nobyembre 10 sa dihang usa ka hinay nga nagdagan nga sakyanan ang mihunong tupad sa ubang mga sakyanan sa wala pa mobuto, nga nakadaot sa mga duol nga sakyanan.
Bisan kung wala pa madakpi sa mga awtoridad ang usa ka suspek, si Prime Minister Narendra Modi miingon nga ang pagpamomba gihimo sa anti-national forces nga adunay tumong nga makamugna og kagubot ug kalisang sa publiko.
Gikondenar usab sa gobyerno ang mangil-ad ug talawan nga buhat sa mga terorista ug gisubli ang zero tolerance policy sa nasud alang sa terorismo.
Dugang pa, usa ka taas nga alerto ang gipasakasa lugar, ingon man sa mga silingang estado, lakip ang Uttar Pradesh, alang sa dali nga pagtubag sa seguridad.
Nagpahayag si Modi sa iyang pahasubo sa mga namatyan nga pamilya ug nagpasalig sa dali nga pagpanubag alang sa mga suspek.
