Gitudlo sa Billboard ang model-actress nga si Cara Delevingne isip presenter sa Global Force Award alang sa P-pop girl group BINI sa 2026 Billboard Women in Music.
Diin ang tinuig nga mga pasidungog nag-ila sa mga kababayen-an sa industriya sa musika nga nakahatag og dakong kontribusyon ug nagsilbing inspirasyon sa sunod nga henerasyon.
Gipasidunggan ang BINI isip usa ka Global Force honoree human sa ilang makasaysayanong pasundayag sa Coachella Valley Music and Arts Festival, diin sila nahimong unang Filipino girl group nga nagpasundayag.
Ang Canadian band nga The Beaches makadawat usab sa samang pasidungog, nga ihatag sa Filipino-American singer ug content creator nga si Bella Poarch.
Ingon man nga lakio sa ubang mga presenter sa awards night sila sila si Brandi Carlile, Ciara, Coco Jones, Dionne Warwick, Eva Longoria, Victoria Monét, Kim Petras, Lainey Wilson, ug Tyla.
Alang sa mga Pilipino, gilauman nga ihatag ni Longoria ang Icon Award sa Mexican singer-actress nga si Thalía, nga nailhan sa iyang “María Trilogy” nga naglakip nila ni María Mercedes, Marimar, ug María la del Barrio, ingon man si Rosalinda.
Samtang, ang grupo nga Huntr/x—nga gilangkuban nila ni EJAE, Audrey Nuna, ug Rei Ami—modawat sa pinakataas nga pasidungog nga Woman of the Year.
Mahinumduman nga si Sarah Geronimo nakadawat sa Global Force Award niadtong 2024, diin iyang gitapos ang iyang acceptance speech sa Filipino.
