Gisaway ni Kalookan Bishop Cardinal Pablo Virgilio David ang pamahayag ni Senadora Imee Marcos batok sa mga supak sa remote participation o online attendance sa mga sesyon sa Senado.
Kini subay sa pamahayag ni Senadora Imee Marcos nga ang dili pagtugot sa pipila ka mga senador nga moapil pinaagi sa online voting o remote participation usa ka “pagtangtang sa katungod sa mga botante.”
Apan sa usa ka post sa social media niadtong Mayo 29, giinsistir ni Cardinal Virgilio David nga kinahanglan hatagan og dugang atensyon ang mga botante nga miboto kang Senador Ronald “Bato” dela Rosa, kinsa giingong wala mitambong sa mga sesyon sa Senado sulod sa unom ka bulan apan nagpadayon sa pagdawat og suweldo gikan sa gobyerno.
Gipasiugda usab niini, nga ang kahulugan sa “force majeure” sa mga polisiya sa Senado kinahanglan susihon base sa maong mga sitwasyon.
Gikuwestiyon usab sa cardinal ang giingong kahadlok ni dela Rosa nga madakpan, bisan pa sa pamahayag ni Senate President Alan Peter Cayetano nga walay balido nga warrant of arrest batok sa senador.
Gihinumdom usab niya ang mga panghitabo nga miresulta sa giingong pag-eskort kang Senador Ronald “Bato” sulod ug gawas sa Senado sa panahon sa mga pagbag-o sa liderato sa kamara.
