-- ADVERTISEMENT --
Nasangad ang usa ka cargo ship sa mabaw nga kadagatan sa Barangay Matandang Siruma, San Miguel Bay, Camarines Sur niadtong Agosto 7, matod sa Philippine Coast Guard (PCG).
Sa report sa Coast Guard District Bicol, luwas ug anaa na sa maayong kondisyon ang 13 ka mga Filipino seafarers nga tripulante sa LCT Golden Phoenix nga nagdala og construction materials.
Matod sa PCG, kusog nga balud ug hangin ang hinungdan sa insidente.
Niresponde dayon ang Coast Guard ug nakig-alayon sa lokal nga kagamhanan apan, nalangan ang pasiunang pagsusi sa barko tungod sa dili maayong kahimtang sa panahon.
Ingon man nga walay oil spill nga natala, apan ang PCG padayon nga nag-monitor sa lugar aron malikayan ang polusyon sa kadagatan.
-- ADVERTISEMENT --
