Nalambigit sa aksidente sa kadalanan ang usa ka dakong Cargo Truck sa Barangay Poog, dakbayan sa Toledo sa kasadpang Sugbo niadtong Sabado sa udto, Hunyo 21, 2025.
Ang maong truck kay usa ka aluminum wingvan type nga naghupot sa plakang 06204 nga gimaneho ni Lydon Dimapaylo Alegonero, 33-anyos ug lumad taga Iloilo City.
Lain kauban niini kay ang mga pahinanteng sila Carl Angelo Punzalan Odel, 22 anyos nga taga Bario Obrero, Iloilo City ug si Christian Erjas, 28-anyos ug taga Buenavista, Guimaras.
Sumala sa inisyal nga imbestigasyon sa mga kapulisna sa Toledo nga ang maong cargo truck kay nagsubay sa dalan nga gikan sa dakbayan sa Naga ug padulong sa dakbayan sa Toledo sa dulhugon nga bahin sa maong dapit.
Apan sa kalit nga panghitabo, adunay mitumanw nga mechanical failure sa ilang sakyanan nga nakapawala sa preno niino nga miresulta sa pagkawala sa control sa drayber sa manibela.
Nakahiagom og pipila ka mga kadaot sa lawas ang mga sakay sa truck diin daling gidala kini sila sa Toledo City General Hospital sa mirespondeng Emergency responders sa Toledo City Rescue Unit ug Bureau of Fire Protection – Toledo City.
Kasamtangang nagpaulian kini sila sa maong ospital samtang ang ilang behikulo kay nakahiagom og dakong kadaot tungod sa aksidente.
