-- ADVERTISEMENT --
Napili nga Athlete of the Year sa PSA Annual Awards si golden boy Carlos Yulo, alang sa iyang makasaysayanong double gold medal nga kadaugan sa Paris Olympics ug gipaambit ang kahigayonan uban sa iyang igsuon nga si Karl Eldrew sa seremonyas.
Gawas kang Carlos, gihatagan og special citation si Eldrew sa iyang mga nahimo sama sa pagdaog sa bulawang medalya sa AGU Gymnastics Championships.
Human sa Awards Night nga gipahigayon sa Manila Hotel, sila si Carlos ug Eldrew kay nag-gakos ug nagpa-picture uban sa ilang tagsa-tagsa ka tropeyo.
Naghimo og kaugalingong pangalan si Karl Eldrew sa gymnastics niadtong Nobyembre, diin nakadaog kini og upat ka bulawan sa usa ka gymnastics meet sa Thailand.
