Natapos sa ikapito nga puwesto ang “Golden Boy” sa Pilipinas ug tulo ka higayon nang world champion sa gymnastics nga si Carlos Yulo sa vault final sa 54th Artistic Gymnastics World Championships nga gipahigayon sa Rotterdam, Netherlands, niadtong Domingo, Oktubre 25.
Sa iyang unang vault, nakakuha si Yulo og iskor nga 13.333 puntos.
Gipaubos kini sa 0.3 puntos nga penalty tungod sa dili maayong pagtugpa.
Nakuha niya ang 5.600 sa difficulty score ug 8.033 sa execution score.
Sa iyang ikaduhang vault, nakarekord siya og 14.433 puntos, nga gilangkoban sa 5.200 nga difficulty score ug 9.233 nga execution score.
Ang duha ka iskor naghatag kaniya og average nga 13.833 puntos, nga wala makasulod sa top three aron makakuha og medalya.
Napakyas usab ang duha ka higayon nga Olympic gold medalist sa pag-angkon og medalya sa floor exercise final niadtong miaging Sabado, human siya masayop sa pagtugpa sa iyang ikaduhang tumbling pass.
Tungod niini, natapos siya sa ikawalo nga puwesto.
