Gitinguha sa two-time Olympic gold medalist nga si Carlos Yulo ang pagdugang sa iyang mga kadaugan sa internasyonal nga kompetisyon human makasulod sa finals sa floor exercise ug vault sa ika-54 nga Artistic Gymnastics World Championships sa Rotterdam, Netherlands.
Bisan wala makasulod sa all-around final human mahimutang sa ika-34 nga pwesto, wala kini makapugong kang Yulo sa pagtinguha nga makakuha og laing titulo sa kalibutan.
Sa bahin sa kwalipikasyon, nakakuha si Yulo og 14.500 puntos sa floor exercise, nga nakapahimutang kaniya sa ikaduhang pwesto.
Samtang sa vault, nakarehistro siya og 14.266 puntos aron makuha ang ikaunom nga pwesto. Tungod niini, nakasiguro siya og puwesto sa finals sa duha ka event.
Nakigkompetensya usab sa maong torneyo ang iyang manghod nga si Karl Eldrew Yulo, nga nahimutang sa ika-84 nga pwesto sa kinatibuk-ang klasipikasyon.
Gilauman nga mobalik si Carlos sa floor exercise final sa Sabado, samtang ipahigayon ang vault final sa Dominggo.
