Gikatakdang ibalik sa Cebu City Police Office (CCPO) ang mga elevated police outpost niini sa dakbayan sa Sugbo aron sa paningkamot niini sa police visibility ug security ilabi karong pagsugod sa “ber” months.
Ang maong inisyatiba kay nagsunod sa direktiba sa Police Regional Office – Central Visayas (PRO-7) aron sa pagpalambo sa mas paspas nga response time efforts.
Dugang pa nga ipabilin sab sa CCPO ang ilang mga mobile foot and vehicular patrols aron mapalapad pa ang police visibilities.
Sa ilang ihap, adunay 39 ka mga elevated outpost nga i-redeploy sa mga estratehikong mga dapit nga daling makita sa publiko.
Gipasabot niini nga ang presensya sa mga stationary outpost kay nagdalit og dugang pasalig sa publiko nga manginahanglan og tabang.
Matakdo pud ang redeployment sa outpost sa pagsugod sa “ber” months diin kasagaran nga mga kriment kay gikatakdang musaka tungod sa holiday season.
Kahinumduman nga niadtong buwan sa Hunyo gimanduan ang pagpatangtang sa mga outpost isip pagsuporta sa nasudnong mandato ni kanhi PNP Chief Gen. Nicolas Torre III sa paghimo og mobile sa tanang police manpower sa mga kadalanan.
