CEBU CITY – Gihimug-atan ni Cebu Police Provincial Office (CPPO) Director PCol. Engelbert Soriano nga mosunod ang kapulisan sa probinsya sa sugbo sa ordinansa nga gipasar sa hunta probinsyal may labot na sa pagtugot nga makauli sa panimalay ang mga Returning Overseas Filipinos (ROFs) ug Overseas Filipino Workers (OFWs) human ma-swab test sa unang adlaw pa lag sa pag-abot niini ug human mapaubos sa quarantine sulod sa tulo ka adlaw ug magnegatibo ang resulta sa test niini.
Segun kang Soriano nga sundon niini kung unsa man ang nakalatid sa ordinansa gawas na lang kung adunay kamanduan gikan sa Korte nga magdeklararniini nga kwestiunable.
Gitahasan ang kapulisan sa pag monitor sa mga OFWs ug ROFs nga nakapauli sa tagsa tagsa ka mga panimalay aron dili kini mag gawas gawas samtang wala pa kini mapa ubos sa ika duhang swab test sa ikapito ka adlaw.
Gipasabot ni Soriano nga sa higayon nga adunay kamanduan sa Camp Crame kabahin sa pagsunod sa kamanduan sa National IATF, andam usab matod pa sila nga msounod niini.
Nagpaabot kini sa resulta sa panagtagbo sa Department of Interior and Local Government ug sa National Inter-Agency Task Force.
Subay niini nanghinaot ang CPPO nga magkasinabot ang kagamhanan sa probinsya sa sugbo ug ang national government aron dili malibog ang mga police nga maoy mopatuman sa mga lagda labot sa pagbatok sa pandemya.
“As far as we are concern, we will be on side of the law. So, as of the moment, the provincial ordinance while wala pa pang nag-kwestiyon or nag-declare dito by any court, competent court that it is illegal then it remains to be a law, ” asoy pa ni Soriano.
