Nakaandam na para sa Misa de Gallo deployment sa mga nagkadaiyang simbahan sa dakbyan sa Sugbo ang mga kapulisang sakop sa Cebu City Police Office (CCPO).
Kini ang gikabutyag ni Police Lt Col. Jose Losbaños sa eksklusibong pakighinabi niini sa Bombo Radyo Cebu News Team karong Lunes, Disyembre 15.
Sumala pa ni Losbaños nga nakaandam na ilang mga sakop para sa Simbang Gabi nga magsugod ugmang adlawa sa Martes, Disyembre 16 sa alas 3 sa kadlawn hangtod matapos ang tradisyon kinadlawng nga pagsalmot sa misa sa mga Romano Katolikong parokyahanon.
Asoy pa niini nga ang datos nila sa CCPO nagpakita sa 574 ka mga police personnel ang gi-assign sa mga major ug minor churches sulod sa syudad nga abagan sa mga force multipliers sama sa Barangay Tanods sa pagsiguro sa kaluwasan sa publiko.
Matag simbahan sab kay adunay gitukod nga police assistance desk nga maduolan sa mga tawo nga nanghinahanglan og tabang sa mga kapulisan ingon sa mga personnel pud niining idestino isip mudala sa dagan sa trapiko.
Gani karong mga panahona kay minus ang natalang krimen sa pagpangawat o crimes against property sa 11 ka mga istasyon sa CCPO apan pabilig naka-alerto ang kapulisan karong holiday season.
Mensahe sa opisyal ngadto sa publiko nga pabiling alerto kugn musalmot sa Simbang Gabi ilabi nga humot sa mga kriminalidad ang pangpanghilabot sa mga butang nga imong dala sama sa wallet, cellphone ug uban pa.
