Gikatakda na ang pagpa-implementear sa “Tabang Pambyahe” program sa Kagamhanang Lalawigan sa Sugbo agig pagdalit og transportation assistance sa mga commuters karong panahon sa laibutanong krisis sa lana.
Gilauman ang roll out sa programa human naaprobahan sa Department of Transportation (DOTr) ang sugyot ni Cebu Governor Pamela Baricuatro sa request niining P20-milyones nga funding support ubos sa Service Contracting Program aron sugdan ang programa.
Kini nga inisyatiba kay mag-subidize sa mga partner bus operators nga mudagan og mga key routes aron maisguro ang episyente ug masaligan nga public transport services.
Ang pilot routes sa programa kay manukad sa Cebu South Bus Terminal padulong sa lungsod sa Sibonga sa habagatang Sugbo. Lain sab ang routa gikan Cebu IT Park padulong dakbayan sa Danao sa amihanang probinsya.
Magsilbing rpund-trip basis ang routa sa programa nga magsugod sunod semana nga matakna sa pagsugat sa Semana Santa.
Adunay striktong tumanon nga mga lagda ang mga bus sa maong programa diin magpasakay ug kanaog sila sa mga pasahero sa mga gitakda lang nga mga hununganan. Ipatuman sab ang “no standing” policy aron masiguro ang kaluwasan ug kahayahay sa mga mananakay kay gilauman nilang adunay bus nga mubyahe matag 15 minutos ang gintang matag bus stop.
Ang maong inisyatiba kay mag-complement sa “Libreng Sakay” program sa nasudnong gobyerno sa higayong maimplementar na kini.
