CEBU – Gibutyag ni Police Col. Ireneo Dalogdog ang hepe sa Cebu City Police Office, nga adunay coordination ang kapulisan sa City Government Office alang sa re-activation sa Cebu City Anti-Indecency Board (Caib) aron panalipdan ang mga konstituwente batok sa imoralidad.
Kini subay sa usa ka inahan sa Sugbu kinsa gipasanginlan nga nangabuso ug nagkuha og hubo nga mga video sa iyang 4-anyos nga anak nga babaye, kinsa gihuwat sa National Bureau of Investigation in Central Visayas (NBI-7) nga maluwatan og warrant nga magtugot kanila sa pagdakop niini.
Dugang pa sa opisyal nga sulod sa Cebu City Anti-Indecency Board (Caib), ilahang gi monitor ang indecent shows sa pagpahunong sa mga law-ay nga salida sa mga bar ug sa mga “disstasteful” nga mga komiks ug mga artikulo sa mga tabloid ug mga drama sa radyo.
Kini maoy hinungdan sa pagpasira sa mga entertainment establishment ug mga massage parlor nga nagtanyag og “ekstra” nga serbisyo, gikuha niini ang mga billboard ug mga karatula nga nakalapas sa City Ordinance 1408, o ang Anti-Indecency Ordinance o Section 12 of RA 7610.
Nakig coordinate usab sila sa mga City Councilors ug mga representante sa Departamento sa Edukasyon ug sa Sangguniang Kabataan, ingun man sa katawhan nga kung adunay mahibal-an kalahin sa Child pornography e-report kini dayun sa ilahang buhatan arun sa mas dali nga imbistigasyon.
