CEBU – Nabalaka si Cebu City Councilor Rey Gealon sa nagkadaghang kaso sa human immunodeficiency virus (HIV) sa dakbayan.
Sa pagkutlo sa usa ka nasudnong taho, si Gealon niingon nga ang Central Visayas adunay 8,407 ka bag-ong na-diagnose nga HIV cases sa Mayo 2022.
Ang Central Visayas usa sa mga rehiyon sa nasud nga adunay labing daghang bag-ong impeksyon sa HIV nga narehistro matag tuig.
Hinungdan nga gipangutana ni Gealon si Dr. Villa kon sa unsang paagi ang iyang opsina “effectively legislate” sa mga butang sulod sa CCHD, ilabina sa nagkadaghang bag-ong nadayagnos nga mga tawo nga adunay HIV ug AIDS.
Gihangyo usab sa konsehal si Villa alang sa usa ka detalyado nga taho bahin sa gidaghanon sa mga indibidwal, nga bag-ong nadayagnos nga adunay HIV ug AIDS kaniadtong Nobyembre 2022, ug usa ka pagtandi sa mga numero sa miaging duha hangtod tulo ka tuig.
