CEBU CITY-Pa-imbestigaran ni PBGen. Albert Ignatius Ferro si Cebu City Councilor Niña Mabatid kabahin sa gi post niini sa social media nga adunay 3 ka pasyente nga nagpositibo sa CoViD-19 sa dakbayan sa Sugbo nga wala gikompirmar sa Department of Health butang usab nga gikalisang publiko.
Hangyo ni Ferro nga mu-esplikar ug mu-istorya si Mabatid sa ilang buhatan kabahin niini.Nasayran nga si PBGen. Ferro ang mihatag og direktiba sa Cebu City Police Office (CCPO) nga mu-imbestigar sa maong pagpost sa konsehal nga gikonsiderar nila karon nga ‘fake news’ sa social media.
Samtang gikasagmuyo usab ni Cebu City Mayor Edgardo Labella ang maong panghitabo diin mapaubos sa imbestigasyon ang iyang konsehal.
Apan giklaro sa mayor nga dii niya mapugngan ang maong imbestigasyon, inay huwaton na lamang ang resulta niini.
‘No comment’ pa usab ang mayor sa pagkakaron ug ayha na kini mutubag kung adun nay resulta.
Gihimug-atan ni Labella nga, magpokos ug mamagkahiusa nalang ang tanan sa pakigbatok sa makalilisang nga sakit nga covid19. |reports from Joan Gantalao
