CEBU CITY- Nangandam na usab ang kagamhanan sa dakbayan sa Sugbo, alang sa umaabot usab nga Association of South East Asian Nations Summit nga pagasugdan sa Enero 28-30, 2026.
Matud ni Cebu City Mayor Nestor Archival, nga magpahigayon ang dakbayan og Dry-run aron sa paghapsay sa mismong dagan sa maong Summit diin plano sa dakbayan ang pagsugat niini sa City Hall, padulong sa Magellan’s Cross og maglatas padulong sa Cathedral
Hinungdan nga giandam na og gilimpyohan na sa kagamhanan ang mga nag-unang kadalanan nga latasan sa mga turista nga moabot diri sa Sugbo.
Plano usab sa dakbayan nga idili ang paglapas sa mga street vendors sa mga gitaganang mga sidewalks aron nga dili makamugna og kasamok sa mga turista maglakaw sa dalan.
Magpahigayon usab ang kagamhanan og renovation sa mga tourists spots nga nangadaot gumikan sa nakalabayng linog, apan kinahanglan pa nga mananghid sa Historical Comission.
Gipaningkamotan usab sa kagamhanan nga maatiman ang mga delegado pinaagi sa luwas og hapsay nga pag-ari sa Sugbo.
