Gikumpirmar sa Cebu City Office for Substance Abuse Prevention (COSAP) nga dili na blacklisted na sa City Government ang mga empleyado nga nagpositibo sa drug test.
Matud ni COSAP Head Jonah John Rodriguez nga nakadawat ang nahisgutang mga empleyado og notice of termination ug dili na sila makapadayon sa ilang trabaho.
Dugang pa niini nga girekomendar sa City Legal Office nga dili na dawaton pagbalik o i-rehire sa City Hall ang empleyado nga natangtang na sa trabaho gumikan sa pagpositibo sa paggamit og ilegal nga drugas ubos sa ilang resolusyon.
Kahinumduman nga hilabihan ang kasagmuyo ni Mayor Edgardo Labella tungod kay niabot na sa 52 ka mga empleyado ang nahagbong atol sa drug test.
Mibutyag usab si Rodriguez nga adunay usa ka konsehal ang hagbong atol sa pasiunang drug test apan nagnegatibo kini human sa confirmatory test.
Wala hinuon kini mibutyag kung kinsa man gumikan sa confidentiality niini.
