Nikabat na og 71 ang nahagbong sa drug screening nga gipahigayon sa Cebu City Office of Substance Abuse Prevention (COSAP).
Gibutyag ni Jona John Rodriguez kinsa head sa COSAP nga sa wala pa mag ‘christmas break’ aduna nay 57 ang nahagbong apan napon-an kini ug 14 kagahapon human nakuha ang resulta, nga mi-total na sa 71 ang hagbong.
Sigon pa ni Rodriguez nga ubay-ubay na usab ang nangataktak sa mga nag positibo ilabi na ang mga job order ug cassual.
Apan ang nag positibo nga mga regular nga empleyado ipaagi pa kini sa due process.
Ang tanan usab nga nag positibo gikinahanglan pa kini ipaubos sa confirmatory test ug mo dangat pa ngadto sa 30 ‘working days’ usa makuha ang resulta niini.
Gilaoman nga posible nga aduna nay resulta sa sunod semana sa confirmatory test nga unang napada sa kauluhan.
Nagtuo si Rodriguez nga sa dihang sobsob ang ilang pagpahigayon ug surprised drug test dili na mapon-an ang nag-positibo.
Apan nahakurat kini nga mas nisaka pa ang ihap sa nag positibo.
Gani gihulagaway niini nga ‘very alarming’ ang maong resulta gumikan sulod lang sa duha ka buwan ingon niini na kadaghan ang nag positibo. (Lahvi Quiñones)
