CEBU CITY-Giawhag ni Dr Daisy Villa, ang pangu sa Cebu City Health Department si Cebu City Acting Mayor Raymond Alvin Garcia sa pagdeklarar og public health emergency sa tibuok dakbayan.
Dugang pa sa opisyal nga kung mapatuman ang maong health emergency kay posibling mas magbinantayon ang publiko ug musagop sa mas lapad nga preventive measures batok sa maong sakit.
Diin base a kasamtangang ihap, nakatala na ug 8 ka patay gikan sa sakit nga dengue sulod sa 597 ka mga kaso sa tibuok dakbayan sa Sugbo.
Sukwahi kini sa nakalabay nga tuig nga aduna lang 27 ka mga kaso sa dengue ug walay natala nga namatay sa samang panahon sa pagtandi.
Samtang sa laing habig, si Dr. Eugenia Mercedes Cañal, Regional Epidemiologist sa Department of Health Central Visayas (DOH-7), nipasabot nga kasagarang sintomas sa dengue naglakip sa taas nga hilanat, grabeng labad sa ulo, sakit sa lutahan ug kaunoran, ug pantal.
Kung dili matambalan, ang sakit mahimong mouswag ngadto sa mas grabe nga mga porma, sama sa dengue hemorrhagic fever o dengue shock syndrome, nga ang duha mahimong makamatay.
