Niangkon si Cebu City Mayor Nestor Archival nga kadaghanan sa mga public works contractors nagduha-duha sa pagpirma og commitment of undertaking, tungod sa kahadlok nga dili nila mahuman ang ilang mga proyekto sulod sa gikontrata nga timeline.
Matod ni Archival, nagpabiling hagit ang pag-require sa tanang mga kontraktor sa Department of Public Works and Highways (DPWH) nga mopirma og kasabutan sa kagamhanan sa dakbayan, diin aduna lay usa ka contractor ang nisumiter og commitment sa kasamtangan.
Taliwala sa iyang panawagan alang sa boluntaryong pagsumite sa maong buluhaton sulod na sa pipila ka semana sukad gikuwestiyon ang mga proyekto sa DPWH, si Archival niingon nga ang KIMWA Construction and Development Corporation lang, ang kontraktor nga nagpaluyo sa road project duol sa Marco Polo ang nituman.
Dugang ni Archival nga alang sa umaabot nga mga proyekto, gikinahanglang mopirma ang mga contractor sa maong undertaking sa Technical Infrastructure Committee (TIC) sa dili pa hatagan og permit sa excavations.
Sa mga wala panahumang proyekto usab, dili dayon mapugos sa siyudad ang pagsumite sa maong buluhaton, ug sa pagkakaron, madasig lang ang mga kontraktor sa pagtuman.
Gisubli sa mayor sa laing bahin nga kadaghanan nagpanuko sa pagbuhat sa ingon, nahadlok nga dili nila maabut ang mga deadline nga ilang gipasalig.
Samtang, nitumaw ang usa ka resolusyon gikan sa Cebu City Council nga nagtugot sa Cebu City Legal Office (CLO) sa pag-draft og pagrekomendar sa gikinahanglang legal framework nga nagkinahanglan sa mga contractor sa DPWH nga mopirma og undertaking of commitment aron masiguro ang accountability.
Agi’g kabalaka sa mga sukwahing hisgutanan sa nasud kabahin sa pakyas nga mga proyekto, nangulo si Archival sa inspeksyon usab sa dakbayan sa Sugbo, ug nipahibaw nga andam siyang manubag sa mga kontraktor sa mga danyos ug pagkalangan, alang sa umaabot nga flood control project sa DPWH sa dakbayan.
