CEBU CITY – Mu-apelar si Cebu City Mayor Edgardo Labella ngadto sa Inter-agency Task Force (IATF) aron i-reconsider ang rekomendasyon nga pagpatuman og Enhanced Community Quarantine (ECQ) sa dakbayan sa Sugbo.
Sa nahimong press conference sa mayor, gibutyag niini nga nagpabiling ubos ang fatality rate sa 1 percent sa tibook nasud ug 54 percent usab ang natala nga recovery rate gumikan sa ilang intervention.
Gidawat hinoon ni Labella ang desisyon sa IATF ug nanawagan kini sa mga Sugbuanon nga musunod una sa mas gipahugot nga mga quarantine measures samtang gi-asikaso pa niini ang pag-apelar.
Dugang pa usab sa mayor nga hilabihan na nga nabalaka ang mga doktor gumikan sa migrabeng kaso sa COVID-19 sa dakbayan ug puno na ang mga tambalanan sa mga pasyente.
Subay niini, gipapaspasan na ni Labella ang mga kapasidad sa mga tambalanan sa siyudad aron nga maka-accommodate pa og mas daghan pang mga pasyente.
Gimando na usab ni Labella sa Cebu City PNP ug mga force multipliers niini nga pangsitahon ang si kinsa man ang makalapas ug musupak sa ipatuman nga mga lockdown measures. | via GN
