CEBU CITY-Mipagawas og memorandum si Cebu City Mayor Edgardo Labella para sa mga department heads sa Cebu City Hall nga magpahigayon og bible study matag Biyernes sa dili pa muuli.
Matud ni Labella nga boot niya nga masayod ang mga empleyado sa pulong sa Diyos aron usab magiyahan ang mga empleyado sa mga sakto ug makaangayon nga buluhaton sa tagsa-tagsa nila ka departamento.
Gitino usab ni Labella nga bible study kini para sa tanan bisan paman kung unsa ang relihiyon.Apan giklaro usab sa mayor nga wala kini pugsanay ug kung wala matud pay mulead sa bible study, siya mismo ang mangunay.
Ipahigayon ang naasoy nga bible study matag alas 4:30 sa hapon sa matag adlaw Biyernes.
Subay niini, mimando usab si Labella sa mga nagkadaiyang departmento nga muundang sa pagduwa og mga online games sama sa ‘mobile legends’ ug pagsige og ‘ facebook’ basta oras ting trabaho.
Kung masakpan matud pa nga nagduwa og nagamit lang social media ug wala nagtrabaho, otomatik kini nga masisante.
