CEBU CITY-Napamatud-an nga substandard ang track oval sa Cebu City Sports Center (CCSC).
Kini ang gibutyag ni Philippine Sports Commission (PSC) Commissioner Edward Hayco nga ang measurement validation nga gihimo sa Mendel Surveying Solutions Co. niadtong Domingo, Hulyo 14, nagpakita nga ang oval mubo og 1.5 metros human gisukod nga 398.5 metros inay sa standard 400 nga maoy standard circumference, base sa mga linya nga gilaraw.
Matud pa ni Hayco nga sumala ni Jeanette Obiena, technical consultant sa Palarong Pambansa, ang unang surveyor nikumpirma nga ang oval misubay sa specifications.
Apan, ang revalidation sa ikaduhang surveyor nagpakita nga ang radius sa white lines mubo ug 30 centimeters.
Napugos ang PSC sa pag-tap sa usa ka ikatulo nga partido aron i-validate pag-usab ang sukod sa oval human wala magkatugma ang mga nakit-an sa duha ka surveyor.
Ang usa miingon nga ang oval nakumpirma sa mga detalye, samtang ang usa miingon nga ang oval duha ka metros ang mubo.
Nahusay na gyud ang maong butang human gisukod sa Mendel Surveying Solutions Co.
Matod pa ni Jeanette Obiena, ang technical consultant sa mga duwa, iyang gihatag sa contractor ang design ug technical specifications niadtong Pebrero, apan wala siya masayod nganong wala motuman ang kontraktor.
Tungod kay substandard ang oval, dili na ilhon ang mga bag-ong ‘record breaker’ sa Palaro.
