Malampusong gilusad ang Cebu City Sports Commission (CCSC) Summer Grassroots Program 2026, diin gipahigayon sa Cebu City Sports Institute (CCSI) sa Barangay Sawang Calero.
Diin ang libre ug community-based program nakabansay og dul-an 3,000 ka mga bata nga nag-edad og 7-anyos hangtod 14-anyos.
Gikanayon ni CCSC Chairman Dr. Rhoel Dejano nga nagpadala sila og mga coach ug trainer alang sa ilang duha ka bulan nga pagbansay uban ang pangunang tumong nga hatagan ang mga bata og usa ka produktibo ug makahuluganon nga paagi sa paggasto sa ilang ting-init, pagdasig kanila nga magpabiling aktibo, himsog, ug layo sa sedentary lifestyle sa kinabuhi nga nakasentro sa mga gadget.
Mipaabot usab si Dejano sa iyang kinasingkasing nga pasalamat ngadto kang Mayor Nestor Archival, Bise Mayor Tomas Osmeña, ug sa mga miyembro sa konseho sa siyudad sa ilang walay hunong nga pagsuporta sa ilang makahuluganong inisyatibo.
Ingon man nga nipadayag kini sa iyang kalipay gumikan sa mikabat pa og 7,000 ngadto sa 8,000 ka mga atleta ang nagpalista sa kalihokan. via Bombo Rocky Lavarez
