Magsugod na sa Hulyo 1, 2025, ang bag-ong toll fee rates alang sa Cebu-Cordova Link Expressway (CCLEX), inubanan sa provisional discounted rate
Ang maong bag-ong toll fee rates adjustments gi-aprobahan sa Local Toll Regulatory Council (LTRC) diin mao kini ang mga mosunod:
-P68 alang sa Class 1M nga mga sakyanan o motorsiklo nga adunay engine displacement 110cc ngadto sa 399 cc.
-P107 alang sa Class 1 nga mga sakyanan (motorsiklo nga 400cc pataas; ug mga sakyanan nga moabot sa 7 ka tiil ang gitas-on sama sa mga sakyanan, jeep, pick-up, ug gagmay nga mga van.
-P214 alang sa Class 2 nga mga sakyanan ( kadtong adunay taas nga 7 ka tiil sama sa light truck, bus, ug high-roof nga mga van.
-P321 alang sa Class 3 nga mga sakyanan (o rigid trucks nga adunay 3 o labaw pa nga axle ug taas nga labaw sa 7 feet sama sa heavy ug multi-axles trucks, ug trailers (articulated).
Samtang sa discounted rate nga ipatuman sa CCLEX management nga ipatuman sa susamang buwan ug adlaw, mao ang mga mo sunod:
- Class 1M nga mga sakyanan:P65
- Class 1 nga mga sakyanan: P100
- Class 2 nga mga sakyanan: P200
- Klase 3 nga mga sakyanan: P300
Sumala pa, ang maong kabag-ohan sa mga toll fees nga gi-obserbar na matag duha tuig, pahinungod kini sa pagbawi sa mga danyos nga nagamit atol sa konstruksyon atol atong panahon pa sa pandemya. | Bombo Irene Ardiente
