CEBU – Giklaro ni Cebu Gobernador Gwendolyn Garcia nga dili pamolitika ang una niyang pamahayag sa publiko nga nagdepensa sa mga madre sa Carmelite sa Sugbo sa isyu nga naglambigit og eksena sa pelikulang “Maid in Malacañang”.
Dugang sa gobernador nga dili siya hilig nga mosugyot nga i-boycott sa mga taga Sugbo ang maong pelikula.
Matud pa ni Garcia, nga dili kini anti-Cory o pro-Marcos o pro-Cory ug anti-BBM, ug diili kini ang punto sa isyu, gumikan kay alang kaniya dili kini usa ka politikal nga butang.
Nagkanayun ang Gobernadora, nga kung gusto sa mga Sugbu-anon nga motan-aw sa maong salida mamahimo nga maka tan-aw, apan kinahanglan usab nga respetuhon kadtong dili gustong motan-aw.
Dako ang iyang pagsalig sa mga Sugbuanon nga sila adunay saktong frame of mind ug sense of responsibilities nga makahibalo unsay labing maayo para kanila.
Tataw pa ni Garcia, nga kung gibati sa mga Carmelites nga dili patas ang ilang representasyon, kinahanglan niini nga mobarug uban nila.
