CEBU – Gipahalipayan ni Cebu Governor Gwendolyn Garcia ug tag dos milyones ka pesos ang mga mayores sa 41 ka kalungsoran sa Probinsiya sa Sugbu nga nitambong atol sa League of Municipalities of the Philippines (LMP) Cebu Chapter year-end assembly.
Hinoon ang maong kantedad igahin sa mga mayores sa ilang mapili-an nga infrastructure project sa ilang tagsa-tagsa sa gingsakupang lungsod diin subay pani Governor Garcia nga gituyo niyang ipagahin ang pundo sa imprastraktura para molungtad kini ug dugay ug sigurong mapuslan sa publiko.
Gawas sa maong dos milyones, nipasalig usab ang gobernadora nga pun-an pa unya niya ug laing 3 million worth or infrastructure project ang mga mayores aron matuman gayud ang mga gitinguhang infrastructure project sa mga mayores sa Probinsiya.
Subay pasa Gobernadora nga talagsaon ang panaghiusa sa mga opisyales sa Probinsiya sa Sugbu samot na dihang niigo ang covid19 pandemic ug Bagyong Odette maong gikalipay niya nga nagka hugoy-hugoy karon ang mga opisyales sa Probinsiya atol sa maong year end assembly nga mura na usab ug Christmas party.
Kung kahinumdoman nga gawas sa maong gihatag nga infrastructure allocated nga budget ngadto sa mga mayores una nang nihatag si Governor Garcia sa mga kapitan, ABC Presidents ug mga bise mayor sa Probinsiya ug 200,000 ngadto sa 1 million sa mga nitambong niadtong nilbayng mga semana sa ABC general assembly.
