CEBU CITY- Nagsaulog ang sa ika-92 nga anibersaryo ang Cebu Metropolitan Cathedral, isip lingkoranan sa Archdiocese sa Sugbo, subay sa pagka-abogar niini ngadto sa usa ka metropolitan archdiocese niadtong Abril 28, 2026, nga nagtimaan sa pagkatukod niini niadtong Abril 28, 1934.
Ang selebrasyon nagpasiugda sa panaw sa simbahan padulong sa ika-100 nga anibersaryo niini, nga gipasiugdahan sa State of the Archdiocese Address ni Archbishop Alberto Uy.
Sa maong press conference ug pormal nga pag-atubang ni Cebu Archbishop Abet Uy sa mga tigbalita sa Sugbo, lakip sa gikabutyag niini mao ang pagdalit sa kadaghanan sa mga plano sa simbahan sa umaabot.
Dugang sa Arsosbispo, lakip sa mga plano mao ang pagpangandam sa maong simbahan sa dako nga kasaulogan sa umaabot 100 katuigan sa tuig 2034.
Gawas niini, gipaningkamotan nga anaay selebrasyon og mga aktibidades ang mahitabo sa paningkamot usab nga maimbitar ang Minahal nga Santo Papa nga si Pope Leo XIV.
Gani, gipasabot sa Arsobispo nga sa tuig 2026, ang lokal nga Simbahan mag-focus sa pagkahimong usa ka “Listening Church,” nga adunay tumong nga madungog ang tingog sa Dios ug ang mga singgit sa katawhan.
Aron mangulo niining synodal transformation, iyang gipahibalo ang pagkatukod sa Coordinating Council for Synodal Transformation (C-COST).
Kini nga konseho gitahasan sa pagbag-o sa mga istruktura sa parokya sama sa Parish Pastoral Council, Basic Ecclesial Communities, ug ang partisipasyon sa mga Lay Organizations, Ministries, Associations and Services (LOMAS).
