Pormal nang nanumbalik sa iyang full departmental status ang buhatan sa Cebu Provincial Disaster Risk Reduction and Management Office (PDRRMO) human napasar sa Provincial Board ang ordinansa nga nag-reconstitute sa maong opisina atol sa regular session niini niadtong adlawng Lunes, Septiyembre 15, 2025.
Mismong si ABC President and ex-officio Board Member Celestino “Tining” Martinez III ang author sa maong ordinansa nga nagkanayon nga ang paghimo pagbalik isip departamento sa PDRRMO kay dakong ikatabang sa pagresponde sa katalagman nga masinati sa lalawigan.
Gipanglantawang mas daghang na mga lungsod ug dakbayan sa probinsya ang matabangan sa pagresponde sa mga masinating katalagman.
Samtang gihangop usab ni Ret. Col. Denise Pastor, ang pangu sa PDRRMO ang maong kalambuan sa ilang buhatan diin lakip sa ilang gipreparasyonan kay mao ang pagsugyot og pundo para makapamalit na kini sila og mga ekipo ug mga kahimanan nga makatabang sa ilang operasyon.
Kahinumduman nga sa nakalabayng administrasyon ni former Cebu Governor Gwendolyn Garcia kay gi-downgrade ang PDRRMO isip usa nalang ka division sa Office of the Governor nga nagputol niini sa pundo ug gahum nga nakapa-inutil sa buhatan.
