Pakyas ang mga Provincial Board Members sa pagpasar sa proposed 1.2 Billion supplemental budget, mahitungod kay wala makompleto o wala kaabot sa quorum ang ipahigayun unta nga special session sa Kapitolyo kagahapong adlawa, Miyerkules Mayo 21, 2025.
Lima lang sa 18 ka board members ang mitambong sa dihang gipatawag ang session aron tukion ang Supplemental Budget 1.
Nagkantidad og P1,226,620,213.08, ang proposed budget nga gipasiugdahan ni PB Member Michael Joseph Villamor (5th District) ug gi-certify as urgent.
Matud ni (5th District) PB Member Red Duterte, naglakip sa pundo ang supplemental budget alang sa mga opisina sa bise gobernador ug mga board members, sa pagkutlo sa nahurot nga mga resources sa opisina sulod sa unom ka bulan sa ilang termino.
Samtang, pipila lang sa PB members ang mitambong sama nila ni; outgoing Vice Governor ug Presiding Officer Hilario Davide III ug board members Glenn Soco, Victoria Corominas Toribio, Mike Villamor, Red Duterte, ug Kerrie Shimura.
Matud ni Cebu 6th District Provincial Board Member Glenn Soco, nga lisod jud ma quorum hilabi na nga ang mga kaubanan niini anaa sa out of town na ug naka file na daan sa ilahang leave. | Bombo Nathaniel Sandoval
