PROVINCE OF CEBU-Mihatag og duha ka resolusyon ang Cebu Provincial Board diin nagrekomendar sa pagpahunong sa Bus Rapid Transit project sa Osmeña Boulevard atubangan sa Provincial Capitol Building tungod sa duha ka rason: economic losses ug heritage protection.
Nasayran nga ang nagsuwat sa maong mga resolusyon nga gipasar usab sa 18 ka miyembro sa legislative body sa provincial government mao sila si sixth district Board Member Glenn Anthony Soco, kinsa maoy nangulo sa komite sa pamatigayon ug industriya sa PB; ug third district Board Member Atty. Jiembo Borgonia, chairman sa committee on provincial properties.
Gani, gihimug-atan ni Board Member Soco nga ang BRT project nakatampo sa nagkagrabe nga kahimtang sa trapiko dili lang sa dakbayan sa Sugbo kon dili hasta sa probinsya tungod nakamugna kini og kahuot sa trapiko paingon ug gikan sa habagatang bahin sa Sugbo.
Ingon man nga imbes nga mahimong solusyon ang BRT project – nga giabandonar sa ubang kanasuran nga nagpatuman niini tungod sa hingpit nga kapakyasan niini ug maoy mahimong tinubdan sa kahuot sa trapiko tungod ang mga bus lanes niini magpugos sa mga jeepney, motorsiklo, pribadong mga sakyanan nga makigtunga sa huot na nga dalan.
Dugang pa sa opisyal nga, wala’y makahatag o makagarantiya sa ilaha kung kanus-a taman ang maong proyekto apan, ang kahasol nagpabilin ug napun-an matag adlaw.
Hinungdan nga gi-aprobahan usab sa laing Board Member ang maong resolusyon nga nagtinguha sa pagpahunong sa BRT project sa Osmeña Blvd tungod sa dili maayo nga epekto niini sa talan-awon nga katahum sa Capitol Building nga gideklarar nga National Historical Landmark sa National Historical Commission of ang Pilipinas.
