Cebu City – Tanggong ang usa ka local beauty queen kauban ang subject nga sa gipahigayon nga buybust operations sa Guadalupe PNP sa Brgy. Apas, siyudad sa Cebu.
Nasikop si Teri Marina Colmenares, 22 anyos, ug ang subject sa operasyon nga si Nicole Allan Casiño, 24 anyos.
Nakuha sa mga pulis gikan kang Casiño ang pito ka mga LSD party drugs, ug ka 2 pakete nga marijuana.
Sa pakighinabi sa Bombo Radyo Cebu kang PSI Dexter Basirgo ang hepe sa Guadalupe Police Station ,giingon niini nga napalit ni Casiño ang LSD gikan sa usa ka disc jockey. Ang LSD usa ka matang sa party drugs nga susamag porma nga papel ug ibutang sa ilawom sa dila hangtud matunaw hinungdan nga ma-high dayon ang usa ka tao.
Dugang pa ni Basirgo nga mipalit si Colmenares sa marijuana sa buybust subject nga si Casiño. Sa kinatibuk-an muabot sa 112,800 pesos ang kantidad sa nasakmit nga marijuana ug LSD party drugs
Nasayran nga ang nasikop nga nga si Colmenares usa ka kandidata sa Binibining Cebu 2018 kung diin nalakip kini sa Top 25.
