Gibutyag ni Bureau of Corrections (BuCor) Director General Gregorio Catapang Jr. nga nasulod ang cellphone nga adunay kaubang charger ug tabako sa samput o lubot sa piniriso atol sa usa katlagsaong pagpalusot sa New Bilibid Prison (NBP).
Tungod sa maong talagsaon nga panghitabo gipailalom sa emergency surgery ang mismong person deprived of liberty (PDL) sa dihang wala migawas ang gitagong cellphone sa lubot niini sulod sa tulo ka adlaw.
Matud ni Catapang nga nadiskubre ang cellphone sa dihang ni-ring kini.
Daling gipa-operahan ang maong indibidwal tungod kay makamatay ang maong sitwasyon.
Gani, dili na kini katingad-an gumikan mokabat na sa 19 ka mga insidente ang natala o nakuha nga kontrabando sa “genital parts” sa mga piniriso.
Kini ang rason nga gusto sa opisyal nga makabaton na og body scanner ang Bucor, diin makakita sa tanang tinago sulod sa lawas sa mga moduaw.
